(اولو تانري‌نين آدي ايله)

موحرره‌مليك موناسيبتينه تورك ادبيات اوتاغي تقديم ائدير.

آذربايجان توركجه‌سينده:

عاشورا زيارتي

چئويره‌ن: حجت الاسلام احد گوهري

قال صالح بن عقبة‌الجهني و سيف بن عميرة قال علقمة بن محمّد حضرمي فقلت لابي جعفر عليه السّلام علّمني دعاءً ادعو به في ذلك اليوم اذا انا زرته من قريب و دعاءً‌ ادعو به اذا لم ازره من قريب و اومأت اليه من بعد البلاد و من داري قال فقال علقمة اذا انت صلّيت الرّكعتين بعد ان تؤمي اليه بالسّلام و قلت عند الايماء اليه و بعد الرّكعتين هذا القول فانّك اذا قلت ذلك فقد دعوت بما يدعو به من زاره الملائكة و كتب الله لك بها الف الف حسنه و محا عنك الف الف سيّئة و رفع لك مائة الف الف درجة و كنت كمن استشهد مع الحسين بن علي عليه السّلام حتّي تشاركهم في درجاتهم لا تعرف الاّ في الشهدا الذين استشهدوا معه كتب لك ثواب كلّ نبيّ و كلّ رسول و زياره كلّ من زار الحسين بن علي عليهما السّلام منذ يوم قتل صلوات الله عليه تقول[1]:

عقبه‌ي جهني‌نين اوغلو صالح ايله عميره‌نين اوغلو سيف دئدي محمّد حضرمينين اوغلو علقمة دئدي امام باقر عليه السّلاما دئديم منه بير دوعا اؤيره‌ت من او دوعا ايله بو گونده امام حسيني ياخيندان زيارت ائدنده اوخويوم و بير دوعا اؤيره‌ت ياخيندان زيارت ائتمه‌ينده و اوزاق اولكه‌لردن يا ائويمده اشاره ائدنده اوخويوم دئيير امام بويوردو علقمه سن ايكي ركعت ناماز قيلاندان سونرا سلام ايله امام حسينه ساري اشاره ائديب بو سوزو دئگيلن نيه كي سن بونو دئسن ملائكه‌دن هانکي‌سي امامي زيارت ائدن‌ده اوخوياني اوخويوبسان و آللاه سنه بو دوعا ‌ايله مين مين حسنه يازار و سندن مين مين سوچ (گوناه) آپارار و سني يوز مين مين درجه يوخاريا آپارار و حسين بن علي عليه السّلام ايله شهيد اولان كيمي اولارسان تا اونلارين درجه‌لري ايله بير اولارسان سني هئچ كيمسه او شهيد‌لردن سونرا تانيماز سنه هر ساوجی (پيغمبر) و هر رسولون و امام حسين عليه السّلام شهيد اولان گوندن هر كيمسه اونو زيارت ائديب اونون ثوابي يازيلار او زيارت بودور:

سلام اولسون سنه آي اباعبدالله سلام اولسون سنه آي آللاه گؤندرميشينين اوغلو سلام اولسون سنه آي مؤمن‌لر اميرينين اوغلو و وصي‌لر بؤيوگونون اوغلو سلام اولسون سنه آي بوتون عالملر خاتين‌لارينين بؤيوگو فاطمه‌نين اوغلو آي آللاهين اؤزونه سئچيلن قاني و ائله بير بالاسي و تك قاليب انتقام آلينمايان. سلام اولسون سنه و چئوره‌نده ياتان روحلارا سيزين هاميزا مندن ابده كيمي آللاهين سلامي اولسون من اولانا و گئجه گوندوز اولانا كيمي.

آي اباعبدالله بؤيوك‌دور بو مصيبت و سنه گؤره بيزلره و بوتون اسلامچي‌لارا مصيبت بويوك و آغيردير و سنين مصيبتين گؤيلرده گؤي اهلينه بؤيوك و آغيردير آنجاق آللاه لعنت ائله‌سين سيز اهل بيته ظلم ايله اينجيتمك كؤكون قويان امّتي و آللاه لعنت ائله‌سين اوز مقاميزدان دالي قايتاران و آللاه سيزي او رتبه‌ ده قويان مرتبه‌ني سيزدن اوزاقلادان امّتي و آللاه سيزين قاتل‌لريزه امكان ياراتماق ايله اونلارا يارديمچی اولانلاري لعنت ائله‌سين. من آللاها و سيزه گؤره اونلاردان و يولداشلاريندان و اونلاري ايزله‌ين‌لردن و اونلاري ايسته‌ينلردن اوزاقلاشيرام.

 آي ابا عبدالله من قيامت گونونه كيمي باريشانام سيز باريشانلار ايله و دؤيوشنم سيز دؤيوش‌نلر ايله و آللاه زياد عايله‌سي ايله مروان عايله‌سينه لعنت ائله‌سين و آللاه اميّه عايله‌سينين هاميسينا لعنت ائله‌سين و آللاه مرجانه اوغلونا لعنت ائله‌سين و آللاه سعد اوغلو عمره لعنت ائله‌سين و آللاه شمره لعنت ائله‌سين و آللاه سني اؤلدورمگه گؤره  آتلاري يهرله‌ين و نوختالايان و اوزلرين توتان امّتي لعنت ائله‌سين آتام آنام سنه قوربان سنين مصيبتين منه آغيردير آنجاق سنين مقاميني كرامت‌لنديرن و منه، سنه گؤره كرامت وئرن آللاهدان ايسته‌ييرم سنين قانيني ايسته‌مگي محمّد صلّي الله عليه و آله و سلّمين عايله‌سيندن اولان يارديملانان امام ايله منه روزي ائده.

آي آللاه! مني اؤز يانيندا امام حسين عليه السّلاما گؤره دونيا و آخرتده آبيرلي ائله. آي اباعبدالله من آللاها و ساوجي‌سينا و مؤمن‌لر اميرينه و فاطمه‌يه و حسنه و سنه ساري ياخينلاشيرام سني ايسته‌مك ايله و ظلم ايله اينجيتمك كؤكون قويوب اونون اوستونه ظلم ائوين قويويان و ظلم ايله اينجيتمگي سيزه و يولداشلاريزا ساري يايديرانلاردان اوزاقلاشماق ايله. آللاها و سيزه ساري اونلاردان اوزاقلاشيرام و آللاها ساري سونرا سيزه ساري ـ سيزي ايسته‌مك ايله و سيزي ايسته‌ينلري ايسته‌مك ايله و سيزين دوشمن‌لريزدن و سيز ايله دويوش ائدن‌لردن اوزاقلاشماق ايله و اونلارين يولداشلاريندان و اونلاري ايزله‌ينلردن اوزاقلاشماق ايله ـ ياخينلاشيرام. من سيز باريشانلار ايله باريشانام و سيز دويوشنلر ايله دويوشنم سيز ايسته‌ينلري ايسته‌ينم و سيزين دوشمن‌لريز ايله دوشمنم.

آنجاق سيزي تانيماغي و سيزي ايسته‌ينلري تانيماغي منه كرامت ائله‌ين و سيزين دوشمن‌لريزدن اوز دؤندرمگي منه روزی ائدن آللاهدان ايسته‌ييرم مني دونيا و آخرت سيز ايله ائده و دونيا و آخرتده دوزلوق آياغيمي سيزين يانيزدا بركيده و ايسته‌ييرم سيز ايله بيرليكده آللاه يانيندا اؤيگولنميش مقاما چاتديرا و منه سيزين قانيزي ايسته‌مگي سيزدن اولان يول‌گؤسترن آيدين حق دانيشان امام ايله روزي ائده و سيزين حقّيزه و سيزين اونون يانيندا اولان مقاما آللاهدان ايسته‌ييرم منه سيزين مصيبتيزده چاتان غمه هرمصيبت گؤره‌نين غمينده وئرن وئرگينين ان اوستونونو وئره.

 آي آللاه! مني بو مقاميمدا سندن اونلارا صلواتين و رحمتين و باغيشلاماغين چاتانلاردان ائله آي آللاه! منيم ياشاييشيمي محمّد و اونون عايله‌سي ياشاييشي قرار وئر و اؤلومومو محمّد و اونون عايله‌سي اؤلومو قرار وئر. آي آللاه! دوغرودان بوگون ائله بير گوندور سئوينديلر بوگونده اميّه عايله‌سي و جييه‌ر ييه‌ن بالاسي ـ سنين ديلينجه و پيغمبرين صلّي الله عليه و آله و سلّمين ديليجه بوتون يوردلاردا و پيغمبرين صلّي الله و آله و سلّم دايانان اوتوراقلاردا ـ لعنت‌ليک اوغلو لعنت‌ليک. آي آللاه! اباسفيانا و معاويه‌يه و معاويه اوغلو يزيده لعنت ائله اونلارا ابدالآبدينه كيمي لعنت اولسون و بوگون ائله بير گوندور زياد عايله‌سي و مروان عايله‌سي امام حسين صلوات الله عليهي اؤلدورمگه سئوينديلر آي آللاه آنجاق لعن و عذابي اونلارا آرتير. آي آللاه! من بوگون سنه ساري بوگونومده و ياشاييشيمين گونلرينده اونلاردان اوزاقلاشماق ايله و اونلارا لعنت اوخوماق ايله پيغمبريني و اونون عايله‌سي عليه و عليهم‌السّلامي سئومگ ايله ياخينلاشيرام.  (يوز يول اوخونار) آي آللاه! محمّد و اونون عايله‌سي حقّينده بيرينجي ظلم ائدن ظالمه و سونونجو بو ايشده اونو ايزليه‌نه لعنت ائله آي آللاه! امام حسين ايله دويوشن‌لره و اونلاري يارديملايانلارا و اونلارا ال‌وئره‌نلره و اونلاري امامي اولدورمكده ايزله‌ينلره لعنت ائله آی آللاه! اونلارين هاميسينا لعنت ائله.  (يوز يول اوخونار) سلام اولسون سنه آي اباعبدالله و چئوره‌نده ياتان روحلارا سيزين هاميزا مندن ابده كيمي آللاهين سلامي اولسون من اولانا و گئجه گوندوز اولانا كيمي و آللاه بونو سونونجو عهديم سيزين زيارتيز اوچون ائتمه‌سين سلام اولسون حسينه و سلام اولسون حسين اوغلو علي‌يه و سلام اولسون حسينين بالالارينا و سلام اولسون حسينين يانچي‌لارينا  (سونرا اوخونار)  آي آللاه! سن بيرينجي ظاليمي مندن لعن ائتمگه اوزه‌ل (مخصوص) ائت لعن ائتمگي بيرينجي‌دن باشلا سونرا ايكي‌نجي اوچ‌اونجو و دورت‌اونجو آي آللاه بئش‌اينجي‌سي يزيدي لعن ائله و زياد ايله مرجانه اوغلو عبيداللهي و سعد اوغلو عمري و شمري و ابي‌سفيان عايله‌سين و زياد عايله‌سين و مروان عايله‌سين قيامته كيمي لعن ائله.  (سجده حاليندا اوخونار) آي آللاه بوتون اؤيگولار سن اوچون‌دور اهل بيتين مصيبتينده اوره‌ك‌لرينه چاتان غمه شكر ائدن‌لرين اؤيگوسو سن اوچون‌دور سني اؤيگولورام مصيبتيمين بؤيوك‌لوگونه آي آللاه سنين يانينا گلن گون امام حسينين آراچيليغين منه روزي ائله و دوزلوق آياغيمي اوز يانيندا امام حسين ايله جانلاريني اونا باغيشلايان يانچي‌لاري ايله بركيت.

http://q-aleyasin.blogfa.com/8411.aspx